ग्रामीण भागातील मुलांना संधी दिली तर ते त्या संधीचे सोने करुन दाखवितात हे सैराटच्या माध्यमातून कलावंतांनी दाखवून दिले आहे. प्रत्येक क्षेत्रात काम करताना कष्ट करण्याची गरज आहे. व्यसनांमुळे कुटूंब उध्वस्त होते मात्र कुटूंब उभारण्यासाठी पिढयान् पिढया लागतात याचा विचार सर्वांनी करायला हवा असे मत महाराष्ट्र राज्याचे माजी उपमुख्यमंत्री अजितदादा पवार यांनी व्यक्त केले.

पिंपरी चिंचवड महानगरपालिकेच्या वतीने प्रभाग क्र.६० मधील सांगवी येथील पवारनगर, ममतानगर व लक्ष्मीनगर येथील रस्त्यांचा मॉडेल वॉर्ड पध्दतीने विकास करण्याच्या कामांचा शुभारंभ माजी उपमुख्यमंत्री अजितदादा पवार यांच्या हस्ते करण्यात आला. त्यावेळी ते बोलत होते.

राज्यातील १० शहरांपैकी एखादे श्हर वगळल्यास प्राधान्याने पिंपरी चिंचवड शहराचा स्मार्ट सिटीमध्ये सामाविष्ट केला जाईल, असे महाराष्ट्र राज्याचे मुख्यमंत्री देवेंन्द्र फडणवीस यांनी सांगितले.

आज विधानभवन, पुणे येथे राज्य शासन व केंद्र शासनाकडे पिंपरी चिंचवड महानगरपालिकेच्या प्रलंबित असलेल्या विविध विषयाबाबत बैठक झाली त्यावेळी ते बोलत होते.

पिंपरी चिंचवड महानगरपालिकेने आय.टी.बॅक बोन इंन्फ्रास्ट्रक्चर प्रोजेक्ट प्राधान्याने सुरू करावा त्यासाठी आवश्यक ते सहकार्य केले जाईल, गायरान जमिन महानगरपालिकेच्या ताब्यात देण्याबाबत प्रस्ताव तपासून घेवून निर्णय घेण्यात येणार असल्याचे सांगितले.

भारतीय संविधानाने दिलेला मतदानाचा पवित्र हक्क प्रत्येक नागरिकाने मनपा सार्वत्रिक निवडणूक २०१७ मध्ये बजाविण्यासाठी महाविद्यालयांनी विद्यार्थ्यांची मतदार नोंदणी व जनजागृती मोहिम राबवावी असे आवाहन निवडणूक विभागाचे सहाय्यक आयुक्त डॉ. यशवंतराव माने यांनी केले.

मतदार नोंदणी व जनजागृती अभियानांतर्गत पिंपरी चिंचवड शहरातील महाविद्यालयातील प्राचार्य व प्रतिनिधी यांच्यासमवेत स्थायी समिती सभागृहात झालेल्या बैठकीच्या वेळी ते बोलत होते

संत तुकाराम व संत ज्ञानेश्वर महाराजांच्या पालखी सोहळ्यासाठी दरवर्षीप्रमाणे आवश्यक त्या सेवा सुविधा महानगरपालिकेच्या वतीने देण्यात येणार असल्याचे महापौर शकुंतला धराडे व अतिरिक्त आयुक्त तानाजी शिंदे यांनी सांगितले.

पिंपरी चिंचवड महानगरपालिकेच्या हद्दीत संत तुकाराम पालखी सोहळ्याचे २८ जून २०१६ रोजी आगमन होणार आहे. तर संत ज्ञानेश्वर महाराज पालखी सोहळ्याचे २९ जून २०१६ रोजी आगमन होणार आहे

पिंपरी चिंचवड महानगरपालिकेच्या विविध विकास प्रकल्पांची माहिती जाणून घेण्यासाठी आलेल्या २३ मंत्रालयीन अवर सचिव सदस्यांच्या शिष्टमंडळाचे स्वागत प्रशासन अधिकारी अण्णा बोदडे यांनी केले.

शिष्टमंडळाने मोशी घनकचरा व्यवस्थापन प्रकल्प व सेक्टर नं.२३ जलशुध्दीकरण प्रकल्प व स्काडा प्रणाली प्रकल्पास भेट देवून तेथील माहिती जाणून घेतली