पिंपरी चिंचवड शहराचा केंद्रशासनाच्या स्मार्ट सिटी प्रकल्पांतर्गत समावेश करणेत आलेला असून आपले शहर स्मार्ट करण्याच्या दृष्टीने स्मार्ट सिटी अभियानाअतर्गत निश्चित केलेल्या मुलभुत सेवा सुविधांचा स्मार्ट तंत्रज्ञानाचा वापर करून सुधारणा करण्यासाठी आवश्यक उपाययोजना करावयाच्या आहेत.शहराचा “स्मार्ट सिटी” च्यादृष्टीने आराखडा तयार करताना शहरातील नागरिकांच्या गरजांनुसार तयार करण्यात येणार आहे. नागरिकांना प्राधान्यक्रमाने ज्या सुविधा गरजेच्या वाटतातत्या सर्व स्मार्टसिटीच्या आराखड्यात समाविष्ठ करण्यात येणार आहेत. त्यादृष्टीने नागरिकांना आपली “स्मार्ट सिटी” कशी असावी याबाबत महापालिकेने शहरातील नागरिकांच्या सूचना व मते जाणून घेण्यास प्रारंभ केला असून नागरिकांनी यामध्ये सहभागी व्हावे असे आवाहन आयुक्त दिनेश वाघमारे यांनी केले आहे.

शहर स्मार्ट करण्याच्या दृष्टीने प्रथमत: प्रायोगिक तत्वावर शहरातील एखाद्या परिसराची निवड करावी लागणार आहे ज्या ठिकाणी सदरची योजना कमीत कमी कालावधीत राबविणे शक्य होईल व तद् नंतर संपुर्ण शहरात त्याची पुनर्रावृत्ती सहज व सुलभतेने करणे शक्य होईल. त्यादृष्टीने नागरिकांना त्यांच्या सूचना व मते नोदविण्यासाठी महापालिकेमार्फत www.smartcitypimprichinchwad.in यानावाने संकेतस्थळाची निर्मिती करून नागरिकांना Online Polls या लिंकद्वारे आपली मते व सूचना देण्याची सुविधा उपलब्ध असल्याचे आयुक्त दिनेश वाघमारे यांनी सांगितले. त्याचबरोबर मोबाईलधारकांची प्रचंड मोठी संख्या विचारात घेता नागरिकांना सहजतेने आपली मते व सूचना नोदविणेकरीता महापालिकेमार्फत मोबाईल अँप Smart City PCMC यानावाचे अँन्ड्रॉईड बेस मोबाईल अँप तयार केलेले असून सदरचे अँप Play Store वर उपलब्ध आहे.

पिंपरी चिंचवड महानगरपालिकेच्या वतीने दरवर्षीप्रमाणे यावर्षी क्रांतिसूर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या जयंती महोत्सवाचे आयोजन करण्याबाबत शनिवार दि. १८ मार्च २०१७ रोजी दु. ४.०० वाजता महापालिकेच्या स्थायी समिती सभागृहामध्ये बैठक आयोजित करण्यात आली असल्याची माहिती महापौर नितीन काळजे यांनी दिली.
या बैठकीस सर्व पदाधिका-यांसह कामगार संघटनांचे प्रतिनिधी उपस्थित राहणार आहेत. महोत्सवाची रूपरेषा ठरविण्याच्या दृष्टीने बैठकीत चर्चा होणार आहे. या बैठकीस परिसरातील सामाजिक कार्यकर्ते तसेच विविध संस्थांचे पदाधिका-यांनी उपस्थित राहावे असे आवाहन करण्यात येत आहे.