प्रभागातील उपस्थित नागरीकांनी स्थापत्य व पाणीपुरवठा, आरोग्य व स्वच्छता, विद्युत, पर्यावरण, नदीसुधार, ड्रेनेज लिकेजच्या समस्या, डेंग्यू जनजागृती, रस्त्यावरील स्पीड ब्रेकर, टँकरचा दुषित पाणीपुरवठा, कमी दाबाने पाणीपुरवठा, धुरीकरण तसेच इतर समस्या लेखी स्वरुपात सादर केल्या. त्याचप्रमाणे थेरगाव गावठाणामध्ये कुस्तीच्या आराखडयाचे नियोजन करावे. अस्वच्छ रस्ते स्वच्छ करुन घ्यावे अशाही महत्वाच्या समस्या मांडल्या क्षेञीय सभेला नागरीकांचा प्रचंड उत्साह व प्रतिसाद दिसून आला. उपस्थितांनी क्षेञसभेचे आयोजन केलेबाबत व क्षेञसभेत नागरीकांचा सहभाग वाढविण्याच्या उद्देशाबद्दल महापालिकेचे आभार मानले

पिंपरी चिंचवड महानगरपालिका स्वरसागर संगीत महोत्सव आणि संगीत अकादमीच्या माध्यमातून शास्त्रीय संगीताची परंपरा जोपासण्यासाठी योगदान देत आहे ही महत्वपूर्ण बाब असल्याचे मत प्रसिध्द कथ्थक नृत्यांगणा पद्मश्री सुनयना हजारीलाल यांनी व्यक्त केले.
पिंपरी चिंचवड महानगरपालिकेच्या वतीने दि. ६ ते ९ मार्च २०१६ या कालावधीत स्वरसागर स्वरसागर संगीत महोत्सवाचे आयोजन करण्यात आले आहे. उद्घाटन प्रसंगी त्यांना स्वरसागर पुरस्कारने महापौर शकुंतला धराडे यांच्या हस्ते त्यांना गौरविण्यात आले त्यावेळी त्या बोलत होत्या.

यावेळी पंडित पदमाकर कुलकर्णी पुरस्कार शर्वरी डिगरस पोफळे यांना देण्यात आला. महापौर शकुंतला धराडे यांच्या हस्ते महोत्वाचे उद्घाटन झाले.
पिंपरी चिंचवड महानगरपालिकेने पुरस्कार देऊन जो गौरव केला आहे त्याचा मी अती नम्रतापूर्वक स्विकार करते असेही पुरस्कार विजेत्या सुनयना हजारीलाल यावेळी म्हणाल्या. यावेळी आयुक्त राजीव जाधव, पक्षेनेत्या मंगला कदम व महापौर शकुंतला धराडे यांनीही आपले मनोगत व्यक्त केले

स्वरसागर महोत्सवाच्या तिस-या दिवशी मंगळवार(दि. 8 मार्च) पहिल्या सत्रात स्थानिक कलाकारांचे गायन व वादन झाले. यावेळी अभयसिंह वाघचौरे यांनी राग बागेश्री सादर केला. त्यानंतर त्यांनी 'घेई छंद मकरंद' हे नाट्यपद सादर केले. सुनील पाटील यांनी माऊथऑर्गन वादन केले. बीना जैन हिने सिंथेसायझरवर दोन गीते सादर केली. तसेच स्नेहा कुलकर्णी हिने राग बागेश्री सादर केला. तसेच भारतरत्न पं. भीमसेन जोशी व लता मंगेशकर द्वयीने अजरामर केलेले 'बाजे रे मुरलिया बाजे' हे भजन सादर केले.

त्यानंतर युवा गायक कृष्णेंद्र वाडीकर यांचे बहारदार गायन झाले. त्यांनी राग 'पटदीप' सादर केला. त्रितालात निबद्ध असलेल्या मध्यलयीत बडा ख्याल आणि द्रुतलयीतील त्यांचे जोरकस आणि दमदार गायन रसिकांना आश्वासक गायकीचा प्रत्यय देऊन गेले. कृष्णेंद्र यांचा भरदार स्वर आणि तयारीचे गायनाचा रसिकांनी मनमुराद आनंद लुटला. 'देह जावो अथवा राहो' या अभंगाने त्यांनी आपल्या गायनाची सांगता केली. त्यांनी संवादिनीची समर्पक साथ उमेश पुरोहित यांनी व दमदार तबलासाथ संतोष साळवे यांनी केली. टाळांची साथ विश्वास कळमकर यांनी केली.

यावेळी पक्षनेत्या मंगला कदम, नगरसेविका वनिता थोरात, माजी नगरसेवक एकनाथ थोरात, डॉ. पं. नंदकिशोर कपोते, कुशाग्र कदम, गौरव कदम, तेजश्री अडिगे उपस्थित होते. या महोत्सवाचे नियोजन सहशहर अभियंता प्रवीण तुपे, सहसंयोजन कार्यकारी अभियंता संजय कांबळे, सचिन मोरे, सुरेखा कुलकर्णी व महापालिकेचे संगीत शिक्षक यांनी  केले आहे.

मातृत्वाची जबाबदारी घेणा-या मातेबद्दल पित्याने कर्तृत्वाची जबाबदारी शंभर टक्के स्वीकारलीच पाहिजे, असे मत केंद्रीय उत्पादन शुल्काच्या उपआयुक्त वैशाली पतंगे यांनी व्यक्त केले.
पिंपरी चिंचवड महानगरपालिकेच्या कामगार कल्याण विभागामार्फत महापालिकेतील महिला अधिकारी व कर्मचारी यांचेकरिता चिंचवड येथील रामकृष्ण मोरे पेक्षागृहात जागतिक महिला दिनानिमित्त आयोजित कार्यक्रमात त्या बोलत होत्या.
यावेळी महिला व बालकल्याण समिती सभापती गीता मंचरकर, अ प्रभाग अध्यक्षा वैशाली काळभोर, फ प्रभाग अध्यक्षा शुंभांगी बो-हाडे, सहाय्यक आयुक्त आशादेवी दुरगुडे, प्रशांत खांडकेकर, चंद्रकांत इंदलकर, प्रशासन अधिकारी रेखा गाडेकर, जयश्री काटकर, वैद्यकीय अधिकारी डॉ.वर्षा घोगरे, डॉ.बाळासाहेब होडगर, कर्मचारी महासंघाचे पदाधिकारी चारुशिला जोशी, रोहिणी गव्हाणकर, अंबर चिंचवडे, मधुकर रणपिसे, म्हस्के ब्रदर्स, किशोर केदारी आदी उपस्थित होते

विविध प्रकारचे खेळ खेळल्याने शरीराचा सर्वांगीण व्यायाम होऊन प्रकृती तंदुरुस्त राहते. त्यासाठी शहरात असलेल्या महानगरपालिकेच्या विविध क्रिडांगणात सुधारणा करण्यात येऊन ती लवकरच अद्यावत केली जातील व त्याचा लाभ खेळाडूंनी घ्यावा”, असे आवाहन क्रिडा, कला, साहित्य व सांस्कृतिक समितीचे सभापती समीर मासूळकर यांनी केले.
पिंपरी चिंचवड महानगरपालिकेच्या वतीने, दि.१७ ते १९ मार्च, २०१६ या कालावधीत विनायकनगर, बो-हाडेवाडी, मोशी येथे आयोजित करण्यात आलेल्या महापौर चषक जिल्हास्तर व्हॉलिबॉल (पासिंग) स्पर्धेचे उद्घाटन त्यांच्या हस्ते करण्यात आले त्यावेळी ते बोलत होते

महापौर चषक जिल्हास्तर व्हॉलिबॉल (पासिंग) स्पर्धेमध्ये पुणे, पिंपरी चिंचवड, दौंड, बारामती, सासवड येथील एकूण १६ संघ सहभागी झाले असून यामध्ये १२ पुरुष संघ व ४ महिला संघ यांचा समावेश आहे

ज्या ठिकाणी पाणी असते तेथे सजीवसृष्टी निर्माण होते तसेच पाणी व संस्कृतीचे अतूट नाते निर्माण होते. त्यासाठी जलसंवर्धन ही काळाची गरज असल्याचे मत आयुक्त राजीव जाधव यांनी व्यक्त केले. पिंपरी चिंचवड महानगरपालिका व पाटबंधारे विभाग पुणे यांच्या वतीने जलजागृती सप्ताहांतर्गत निगडी येथील भक्ती-शक्ती चौक येथे जलदौड(Run For Water)चे आयोजन आज करण्यात आले होते. त्याचे उद्घाटन महापौर शकुंतला धराडे यांनी केले त्यावेळी ते बोलत होते.
महापौर शकुंतला धराडे यांचे हस्ते जल कलशाचे पुजन करण्यात आले. यावेळी माजी महापौर आर.एस.कुमार, अ प्रभाग अध्यक्षा वैशाली काळभोर, नगरसदस्य शरद ऊर्फ राजू मिसाळ, भारती फरांदे हे उपस्थित होते