“क” क्षेञीय कार्यालयाच्या अंतर्गत येणा-या पॉलीग्रास मैदाना मागील होम चेंबर कंपनी जवळील नाला, सन्ना वजन काट्याजवळील नाला, बालाजीनगर झोपडपट्टीच्या लगतचा नाला इ. नाल्यांची समक्ष पाहणी करुन नाल्यांच्या सद्यस्थितीनुसार संबंधित अधिकारी व कर्मचा-यांना नाल्यांच्या दोन्हीं बाजूला वाढलेली झुडपे काढून नाल्यात अडकलेल्य प्लास्टिकच्या पिशव्या काढून टाका, नाल्याच्या पाणी प्रवाहाला अडचण निर्माण करणा-या एम.एस.ई.बी. च्या केबल त्याचप्रमाणे मनपा पाण्याच्या पाईप लाईनच्या खाली अडकलेल्या कच-याची व राडारोड्याची योग्य पद्धतीने विल्हेवाट करा, बालाजीनगर झोपडपट्टीलगत असलेल्या नाल्यामध्ये व नाल्याच्या बाजूला असणारा प्रचंड स्वरुपाचा कचरा व राडारोडा त्वरीत जेसीबी द्वारे काढून टाका. त्याचप्रमाणे या भागात उघड्यावर शौचास बसणा-या नागरीकांसाठी तात्काळ कंन्टेनर टाईप टॉईलेट बसवा, या टॉईलेटस् करीता पाण्याची नळ कनेक्शने बसवून द्या. अशा प्रकारच्या सूचना संबंधित अधिकारी व कर्मचारी यांना देण्यात आल्या.

फ क्षेत्रीय कार्यालया अंतर्गत प्रभाग क्र.५ चिखली (जाधववाडी) व प्रभाग क्र. २८ मासुळकर कॉलनी येथे आज दि. ८/७/२०१६ रोजी महानगरपालिकेच्या बांधकाम परवानगी व अनधिकृत बांधकाम नियंत्रण विभागाने चालू असलेल्या अनधिकृत बांधकामावर कारवाई केली. सदर कारवाई मध्ये प्रभाग क्र. ५ मधील  कॉलनी क्र ३ बोल्हाईमळा गट नं ४८९ जाधववाडी चिखली येथील २ अनधिकृत विट बांधकाम व पत्रा शेड या बांधकामावर (क्षेत्रफळ अंदाजे ६५५ चौ.फुट) पाडण्यात आले व प्रभाग क्र. २८ मासुळकर कॉलनी, उद्यमनगर येथील ५ दुकानांचे अधिकृत वाढीव बांधकाम पाडणेत आले व १ टपरी (क्षेत्रफळ अंदाजे ६६५ चौ.फुट) हटविणेत आले.

सदर कारवाई कार्यकारी अभियंता श्री. पठाण ए.ए. यांचे मार्गदर्शनाखाली उपअभियंता, कनिष्ठ अभियंता व बीट निरीक्षक  यांचे सोबत महापालिका अतिक्रमण पथक, व स्थानिक पोलिस कर्मचारी वर्ग, ०२ जे.सी.बी., ०१ डंपर, मनपा कर्मचारी व १० मजूर यांचे उपस्थितीत करण्यात आली

पिंपरी चिंचवड महानगरपालिकेच्या विविध विकास प्रकल्पांची माहिती जाणून घेण्यासाठी आलेल्या २४ मंत्रालयीन अवर सचिव सदस्यांच्या शिष्टमंडळाचे स्वागत सहा. आयुक्त मनोज लोणकर व माहिती व जनसंपर्क विभागाचे रमेश भोसले यांनी केले.

शिष्टमंडळाने मोशी घनकचरा व्यवस्थापन प्रकल्पास भेट देवून तेथील माहिती जाणून घेतली. मोशी घनकचरा व्यवस्थापन प्रकल्पाची माहिती प्रविण डोळस, श्री. राठोड व राजकुमार वाघमारे यांनी या पथकाला दिली.

पिंपरी चिंचवड महानगरपालिकेच्या वतीने भारतरत्न डॉ.बाबासाहेब आंबेडकर यांच्या १२५ व्या जयंती वर्षानिमित्त आयोजित डॉ.बाबासाहेब आंबेडकरांचे महिला विषयीचे धोरण व हिंदूकोड बील या विषयावरील राज्यस्तरीय़ वकृत्व स्पर्धेचे उद्घाटन स्थायी समितीचे सभापती डब्बू आसवानी यांच्या हस्ते झाले.

पिंपरी येथील आचार्य अत्रे रंगमंदिरात झालेल्या या स्पर्धेच्या उद्घाटन प्रसंगी नगरसेविका सुजाता पालांडे, नगरसेवक ऄड. गोरक्ष लोखंडे, सहशहर अभियंता रविंद्र दुधेकर, कार्यकारी अभियंता संजय कांबळे, निवृत्त कार्यकारी अभियंता शरद जाधव, वसंत साळवी आदी मान्यवर उपस्थित होते.

पिंपरी चिंचवड महानगरपालिकेच्या नागरवस्ती विकास योजना विभागामार्फत जागतिक योग दिनानिमित्त विविध कार्यक्रमांचे आयोजन केले असून त्याचे उद्घाटन आचार्य अञे रंगमंदिर, संत तुकारामनगर येथे मंगळवार, दि. २१ जून २०१६ रोजी सकाळी ११.०० वा. महापौर शकुंतला धराडे यांच्या हस्ते झाले.

“स्ञियांचे आरोग्य चांगले तर आपल्या घरातील सर्वांचे आरोग्य चांगले राहते”. दिवसातील पंधरा मिनिटे तरी योगा करावा असे मत, महापौर शकुंतला धराडे यांनी व्यक्त केले

या कार्यक्रमानिमित्त डॉ. मिलींद मोडक यांचे ‘सूर्य नमस्काराचे महत्व’ या विषयावर व्याख्यान होईल. डॉ. चारुलता बापये ह्या ‘योग आणि स्ञियांचे आरोग्य’ या विषयावर संवाद साधणार आहेत. प्रा. विदुला शेंडे यांचे ‘योग आणि सौंदर्य’ या विषयावरील व्याख्यान त्याचबरोबर योगप्रात्यक्षिके व मान्यवरांचा सन्मान अशा विविध कार्यक्रमांचे आयोजन करण्यात आलेले असून नागरिकांनी त्यास उपस्थित राहावे असे आवाहन करण्यात येत आहे.