चिंचवड येथील झोपडपट्टी निर्मुलन व पुनर्वसन विभागात झालेल्या या कार्यक्रमास ब प्रभाग अध्यक्ष ॲड. संदिप चिंचवडे, नगरसदस्या अश्विनी चिंचवडे, सहाय्यक आयुक्त मिनीनाथ दंडवते, गजानन येळमळे, सोसायटीचे चेअरमन सुरेश जाधव, दिपक मोरे यांच्यासह मोठ्या संख्येने लाभार्थी उपस्थित होते. यावेळी सहाय्यक आयुक्त मिनीनाथ दंडवते यांनी महापौर शकुंतला धराडे, प्रभाग अध्यक्ष ॲड. संदिप चिंचवडे व नगरसदस्या अश्विनी चिंचवडे यांचे स्वागत करुन कार्यक्रमास सुरुवात केली.

प्रत्येक जण हा आयुष्यभर ग्राहकच असतो. नागरिकांवर होणा-या फसवणुकीबाबत व अन्याया विरोधात न्याय मागण्यासाठी प्रत्येकाने ग्राहक संरक्षण कायदा समजुन घेणे आवश्यक आहे. असे मत व्याख्याते रमेश सरदेसाई यांनी व्यक्त केले.
सांगवी येथील स्पर्धा परिक्षा केंद्रामध्ये झालेल्या अखिल भारतीय ग्राहक दिनाच्या निमित्ताने ते बोलत होते. व्याख्याते सरदेसाई यांचा सन्मान सहाय्यक आयुक्त आशादेवी दुर्गुडे व प्रशासन अधिकारी अण्णा बोदडे यांच्या हस्ते करण्यात आला.

यावेळी सहाय्यक आयुक्त आशादेवी दुर्गुडे, प्रशासन अधिकारी अण्णा बोदडे, ग्रंथपाल कल्पना जाधव व बहुसंख्येने स्पर्धा परिक्षा ‍विद्यार्थी व नागरिक आदी मान्यवर उपस्थित होते.

भारतातील प्रत्येक नागरिकाने जागरुक राहणे महत्वाचे असुन दररोजच्या जीवनक्रमामध्ये प्रत्येक ग्राहकाच्या होणा-या फसवणुकीबाबत प्रत्येकाने याविरोधात जाब विचारला पाहिजे. यासाठी ग्राहक संरक्षण कायदा व ग्राहक पंचायतीची उद्दिष्टे, याबाबतची माहिती समजुन घेणे गरजेचे आहे. हॉस्पिटल, न्यायालय, वाहन परिवहन, हवाई सेवा, जल प्रवास, विद्युत सेवा, सर्व राज्यातील महापालिका, नगरपालिका, नगर परिषदा, जिल्हा परिषदा, पंचायत समित्या यांचाकडून नागरिकांना देण्यात येणा-या सेवा पारदर्शी करण्यासाठी ग्राहक पंचायतींची आवश्यकता असल्याचे मतही व्याख्याते रमेश सरदेसाई यांनी व्यक्त केले. सामाजिक, शैक्षणिक, आरोग्य तसेच सार्वजनिक क्षेत्रात लोकांच्या अडाणीपणामुळे लोकांचे शोषण होत असुन यामुळे त्यांचा अर्थिक दर्जा उंचावत नसल्याने सामाजिक असमतोल वाढल्याचे दिसुन येते.

सेवानिवृत्तांनी आपल्या सेवेतील अनुभवाचे आत्मचिंतन पुस्तकरूपी ठेव्याच्या माध्यमातुन पुढच्या पिढीला द्यावे. सुखी जीवनाचा मंत्र आपणच शोधावा असे मत आयुक्त राजीव जाधव यांनी व्यक्त केले.
पिंपरी चिंचवड महानगरपालिकेच्या वतीने आयोजित निवृत्ती वेतनधारक दिनानिमित्त (पेंशनर्स डे) आचार्य अत्रे रंगमंदिर, संत तुकाराम नगर येथे झालेल्या या कार्यक्रमाचे उद्घाटन उपमहापौर प्रभाकर वाघेरे यांच्या हस्ते झाले त्यावेळी ते बोलत होते.

यावेळी साहित्यिक प्रा. श्याम भुरके यांचे “सुखी जीवनाचा मंत्र” या विषयावर व्याख्यान झाले. ते म्हणाले ‘डायनिंग टेबल हे हासरे विद्यापीठ असावे. प्रत्येकाने सतत संवाद साधत रहावे. सॉरी या एका शब्दाने अनेक नाती टिकवता येतात. ज्याला एक पाऊल मागे जायचं समजलं त्याला जीवनात आनंदी, यशस्वी व सुखी राहण्याचा मंत्र कळतो’. ‘सध्या भारतात सुखी समाधानी राहणारी एकच जमात आहे आणि ती म्हणजे निवृत्त वेतनधारक’ असे विचार यावेळी त्यांनी व्यक्त केले. आपल्य जीवनात आनंदी जगण्यासाठी पंचसुत्रीचा व तीन रेघांचा वापर करावा असेही ते म्हणाले.

पिंपरी चिंचवड महानगरपालिकेच्या वतीने स्वच्छ भारत अभियाना अंतर्गत स्वच्छतेबाबत नागरीकांमध्ये जागरुकता निर्माण व्हावी म्हणून काही स्वयंसेवी संस्था व नागरिकांच्या विविध गटांमार्फत स्वच्छता मोहीम हाती घेण्यात आली